Blog Feed – 3 頁

say SORRY to 義次革命的隊友們 ~

唔好意思我咁耐先改好呢個故事呀 ~ sorry sorry

<<邊緣小紅帽>> copy from shek

旁白：向一個夜闌人靜既晚上
羊媽媽：碰！拿～十二章包自摸啦，小心ｄ呀！
羊：梗係唔碰呢隻啦
〔羊媽媽打牌〕
對家：食呀！清一色靚花八番速速磅水！
羊：都話左你架啦，抵你死！
羊媽媽：衰仔！邪住晒！
〔羊電話響〕
羊：咩話？唔夠腳三缺一？！即到，即到！
－－－－－－－－－－－－－－－－－－－－－－－－－－－－－－－－－－－－－－－－
〔牛起身，見台面字條〕
旁白：呢度有一千蚊，你自己落街食野啦
〔牛拎起煙同電話〕
牛：喂！有咩玩呀？落機舖啦不如
牛朋友：尋晚咪落左囉？！
牛：咁去唱ｋ囉
牛朋友：又唱？上個禮拜咪唱左囉，俾ｄ新野玩下啦
牛：唔唱ｋ咪上我屋企打機囉，我咩機都有
牛朋友：下？唔會阻住你屋企人咩？
牛：我屋企３６５日都無人架！除左錢之外
－－－－－－－－－－－－－－－－－－－－－－－－－－－－－－－－－－－－－－－－
〔書台前豬女背影郁郁下，豬媽媽入房〕
豬媽媽：哎唷！我個女真係乖啦，唔訓覺唔食野都係度溫書，都係唔好嘈佢啦
〔豬女擰轉頭，原來向度食緊野，仲食食下訓著左〕
－－－－－－－－－－－－－－－－－－－－－－－－－－－－－－－－－－－－－－－－
旁白：有一日，牛同羊返學途中
牛：喂呀，羊，乜你咁早呀？
羊：唉！尋日早訓嘛，我去ｙａｙｃｏｏｌ打牌打到２點幾就訓鬼左啦，所以咪早左少少囉，咩～
〔豬女隨後趕上〕
豬：〔喘氣〕下？咁都叫早！？我尋晚７點幾訓都唔夠訓呀！
牛：豬女，你唔使行得咁快啵，仲有半個鐘先上第二堂，跑都無用架啦
豬：我抖氣咋，你唔好以為我跑，其實我行緊，不過我肥，所以抖得大聲ｄ咋
牛：你真係行得快啦，豬
－－－－－－－－－－－－－－－－－－－－－－－－－－－－－－－－－－－－－－－－
〔三個同學到左學校，見到河馬訓導主任〕
河：同學！你地已經第１３９次遲到啦啵，你知唔知遲到要見家長架？
牛：你鐘意見咪見囉！我呀媽向Ｐａｒｉｓ，我老豆向Ｎｅｗ　Ｙｏｒｋ，你搵到佢地先算啦
羊：你搵我呀媽，係咪想同佢打麻雀先？
豬：唔好呀，唔好呀！唔好見我呀媽呀！
河：呵！你地班野呀！而家即刻去上堂，我遲ｄ先罰你地
－－－－－－－－－－－－－－－－－－－－－－－－－－－－－－－－－－－－－－－－
小紅帽：嘩，你地３個又遲到呀？
〔３人入到課室，坐低後〕
牛：車！都慣啦，唔講住，打機先
豬：噶，噶，噶〔訓左〕
－－－－－－－－－－－－－－－－－－－－－－－－－－－－－－－－－－－－－－－－
噹噹噹，〔小息時〕
牛同帽向操場既一角
牛：整支先啦，呼～
帽：下？唔好啦，我都唔食呢ｄ野既！
牛：怕咩呀！一支咋嘛，我成日都係一包包咁食架啦
帽：下，咁呀好啦，好啦～〔咳〕
－－－－－－－－－－－－－－－－－－－－－－－－－－－－－－－－－－－－－－－－
羊：嘩！乜你成身煙味既？
帽：下，下，下！？唔知呢～
羊：喂，係啦～放學去打麻雀咯，我三缺一呀！
帽：下？聽日要測驗喎，你唔使溫書咩？
羊：哎，大把時間啦，遲ｄ返屋企先溫囉！
帽：下，好啦，咁我同你去啦，等我打俾呀媽先
－－－－－－－－－－－－－－－－－－－－－－－－－－－－－－－－－－－－－－－－
第二日返學，小紅帽遲到撞到豬妹
豬：嘩，咩你都遲到呀？哈哈哈！
帽：係呀，尋日同左羊去打麻雀嘛
豬：哦！唔怪之得你成個黑眼圈啦，不如一齊返屋企訓覺扮唔舒服啦！咁咪唔使返學囉
帽：下？真係架？
豬：唔使驚喎，我成日都係咁啦
帽：咁好啦，咁我都返屋企訓先啦
－－－－－－－－－－－－－－－－－－－－－－－－－－－－－－－－－－－－－－－－
旁白：日積月累，小紅帽受左佢地３個既影響，令到佢成日唔返學，又日日食煙而且仲麻雀，開始賭錢
〔課室裡面〕
河：小紅帽？小紅帽？又無返呀，佢已經４日無返學啦喎～呀牛，羊，豬你地有無見過佢呀？
牛，羊＆豬：〔對望＆沉默〕唔知呀
牛：不如我地出去搵下佢啦！
羊＆豬：好啦！
－－－－－－－－－－－－－－－－－－－－－－－－－－－－－－－－－－－－－－－－
旁白：牛，羊＆豬各自四圍去搵小紅帽，睇下會唔會有機會搵到佢，點知阿牛就係麻雀館出面搵到佢
〔公園〕
牛：小紅帽，你好多日無番學啦！你唔好咁樣啦！
帽：〔食住煙咁講〕車！番學有咩好姐！好似而家我咁自由自在唔好咩！
旁白：小紅帽講完呢番說話之後，就噴左一口煙去阿牛塊面度，令到阿牛係咁咳！
牛：小紅帽你唔好再咁啦！你睇下你d牙又黃晒，面無血色，你睇下你個黑眼圈，你而家成隻熊貓咁呀！
帽：係又點姐，開頭你教我食個時唔見你咁講！
〔突然有幾個大漢走過黎〕
金毛：喂！小紅帽你差我地d錢幾時還呀！
帽：強哥！強哥！唔駛咁唔駛咁！過多一兩日有啦有啦！
金毛：係你先好講呀！我過幾日黎搵你！
帽：好好好！再見啦強哥！
〔金毛大漢走了〕
帽：搵我仲有無野呀！無事我就走啦！我要去打麻雀搵d錢還比人呀！
〔阿牛無野好講，唯有眼白白睇住小紅帽走番入麻雀館〕
－－－－－－－－－－－－－－－－－－－－－－－－－－－－－－－－－－－－－－－－
噹噹噹〔小息〕牛，羊＆豬向課室傾計中
牛：係啦，我尋日見過小紅帽呀！
羊：係呀，聽講佢成日都拎住支煙呀
豬：我之前見到佢同ｄ金毛飛入左我隔離屋打牌喎
牛：佢而家咁樣，其實我覺得係我地搞到佢咁架喎
羊＆豬：哎，我地都覺得呀！
羊：我地係咪好衰呀？
豬：我而家好內疚呀
牛：好！我地要帶佢返番正路，唔可以俾佢再係咁落去呀
－－－－－－－－－－－－－－－－－－－－－－－－－－－－－－－－－－－－－－－－
旁白：牛，羊＆豬向街上面四圍搵小紅帽，行到一個公園佢地見到小紅帽食住煙同幾個金毛飛交談中，牛同咩就走上前勸告小紅帽
牛：喂，小紅帽跟我地走啦！我地一齊返學啦，唔好再食煙啦～
金毛們：喂，你地乜水呀？唔好理佢地啦，小紅帽，我地去打牌咯！
帽：你地走啦，我食煙，打麻雀同唔返學全部都係你地教我既既
羊：下？我地果時都係唔識諗，而家我都唔同架啦，你同我地一齊返學啦
帽：你地係咪真係會返學先？
牛：係呀，我應承你，我同你一齊戒煙啦
帽：咁好啦，我跟你地去返學啦，你真係會同我一齊戒煙同戒賭？
羊＆牛：好！我地應承你
豬：我都應承你！〔跑過唻，喘氣〕
－－－－－－－－－－－－－－－－－－－－－－－－－－－－－－－－－－－－－－－－
旁白：向豬，牛＆羊既鼓勵之下，小紅帽開始投入返乖學生既生活
〔背後一路做佢地互相鼓勵既片段，ＢＧＭ：Ｉ　ｗｉｌｌ　ｆｏｌｌｏｗ　ｈｉｍ〕
佢地一齊戒煙，戒賭仲有準時返學
無幾耐，到左佢地畢業既日子啦！
－－－－－－－－－－－－－－－－－－－－－－－－－－－－－－－－－－－－－－－－
河：咦？今年頭４名既同學都有好大進步喎！今年第一既係小紅帽，第二係呀羊，第三係呀牛，而第４就係呀豬妹啦，而家佢仲拎埋最佳進步獎添喎！佢由考第尾，一升就上左第４啦，我地俾ｄ掌聲佢地啦，亦都請小紅帽同學出唻講下幾句說話呀
〔小紅帽出唻，河老師俾張證書佢，並講野〕〔全同學鼓掌〕
帽：多啦晒！多謝晒！我今年經歷左好多事，曾經我又食煙，又賭錢，令到我唔返學，但係全靠我呢３位最好既朋友呀牛，呀羊同豬妹，我先可以再努力返學，而且成功咁戒煙同戒賭，佢地３個一樣好成功咁成為左好學生，我真係好感激佢地，多謝你地！
〔羊，牛＆豬都同時喊左出唻〕
牛，羊＆豬：嗚嗚嗚！